РОДНЫЯ ВОБРАЗЫ Вобразы мілыя роднага краю,               
Смутак і радасьць мая!..
      
 
Якуб Колас
    Галоўная      Слоўнікі      Гасьцёўня      Спасылкі      Аб сайце       Кірыліца      Łacinka    
Янка Купала
Вершы
Кантэкстны тлумачальны слоўнік
Па дарозе
Ідзеш па каменьнях,
Глядзіш на каменьне,
З каменьня і цэглы
Муры і скляпеньні.
 
Драўляныя хаткі,
Ў прысадах – дарогі,
Мураўка і кветкі
Кладуцца пад ногі.
 
*

Жалезныя краты
Звакол пазіраюць,
Шум, скрыгат, задуха
Душу выдзіраюць.
 
Бязьмежнае неба,
Зялёнае поле,
Чырыканьне птушак...
А воля! А воля!..
 
1910
 
 
 
 
Падабаецца     Не падабаецца Водгукі
2009–2019. Беларусь, Менск.