РОДНЫЯ ВОБРАЗЫ Вобразы мілыя роднага краю,               
Смутак і радасьць мая!..
      
 
Якуб Колас
    Галоўная      Слоўнікі           Спасылкі      Аб сайце       Кірыліца      Łacinka    
Янка Купала
Вершы
Кантэкстны тлумачальны слоўнік
Голуб і дзяцюк
Любе голуб галубку,
На гняздо ладзе лубку;
        Дзяцюк любе дзяўчыну
        I будуе хаціну.
 
Забіў ястраб галубку,
З гняздом вецер зьмёў лубку;
          Адбіў недруг дзяўчыну,
          Агонь зьнішчыў хаціну.
 
Найшоў голуб другую
Ўжо галубку за тую;
          Дзяцюк плача па згубе,
          Другой так не палюбе.
 
Голуб зноў гняздо ладзе,
Свайму гору ён радзе;
          Хлопца вабе магіла,
          Хаткі ставіць ня сіла.
 
[1906–1910]
 
 
 
 
Падабаецца     Не падабаецца
2009–2019. Беларусь, Менск.