РОДНЫЯ ВОБРАЗЫ Вобразы мілыя роднага краю,               
Смутак і радасьць мая!..
      
 
Якуб Колас
    Галоўная      Слоўнікі           Спасылкі      Аб сайце       Кірыліца      Łacinka    
Янка Купала
Вершы
Кантэкстны тлумачальны слоўнік
Перад Сёмухай
Гаю, гаю, гаю,
Схаджу да дубровы,
Насяку там маю
Ахапак здаровы.
 
Будзе тут бярозка,
Будзе тут рабінка,
Будзе клёну горстка,
Будзе і калінка.
 
Перад хатай нізкай
Пасаджу я дрэўцы,
Ад ваконцаў блізка
Падбяру ім мейсца.
 
Ой, кумы, кумочкі,
Міла паглядзеці,
Як пачнуць лісточкі
Трэсьціся, шумеці,
 
Шаптаць, гаманіці
Ціха між сабою,
Галоўкі хіліці
Тут жа нада мною.
 
I мне здасца ў хаце,
Што дрэўцы бясконца
Раяцца, як даці
Долю мне й старонцы.
 
9.VI.1907.
 
 
 
 
Падабаецца     Не падабаецца
2009–2019. Беларусь, Менск.