Не дружы з панамі, Бедзен мужычок. На дружбу з багатым Вузак твой шнурок. У палацы белым Табе не гуляць, – Там народ вясёлы, Песенькі зьвіняць. Там віно ліецца Пеністай ракой, Ад яды сталы там Гнуцца дарагой. Сядзяць за сталамі Паны ў грамадзе, – Сытыя ўсе твары. Тваё ж мейсца дзе? Стаіш у парозе З шапкаю ў рукох, Прытухлыя вочы Водзіш па панох. Пазнаеш, гаротны, Што ты не такі, Не тваё тут мейсца, Не твае дружкі.
1907
|
|