РОДНЫЯ ВОБРАЗЫ Вобразы мілыя роднага краю,               
Смутак і радасьць мая!..
      
 
Якуб Колас
    Галоўная      Слоўнікі           Спасылкі      Аб сайце       Кірыліца      Łacinka    
Янка Купала
Вершы
Кантэкстны тлумачальны слоўнік
Даўней і цяпер
Даўней мы пану
Рабілі дзела,
Дый вось казны «ўласьць»
К нам падасьпела.
 
I з клюшняў панскіх
Збавіла нібы,
Дала на ўласнасьць
Поле, сялібы.
 
*

Даўней мы знаці
Мусілі пана,
Каб карыстацца
Зь нівы ўспаханай.
 
Цяпер жа ў двор сіл
Цягнеш астаткі,
Каб зарабіці
На ўсе падаткі.
 
*

Даўней у пана
Ў тагдышнім пекле
За правіненьне
Розгамі секлі.
 
Цяпер жа земскі
Дый з казакамі
Чыніць расправу
Штодзень над намі.
 
*

Даўней нам «мамкай»
Двор быў з нагаем,
Цяпер казну мы
«Матушку» маем.
 
Ох, маем шчасьце
На самым дзеле,
Век без апекі
Жыць не пасьмелі!
 
*

Пейма ж, гуляйма,
Гулка, ня сьлёзна!
Скрышаны путы
Паншчыны грознай.
 
I ўсё мінецца,
Народ, крапіся,
Крыўды галосяць:
Паўстань і мсьціся!
 
1907
 
 
 
 
Падабаецца     Не падабаецца
2009–2020. Беларусь, Менск.