РОДНЫЯ ВОБРАЗЫ Вобразы мілыя роднага краю,               
Смутак і радасьць мая!..
      
 
Якуб Колас
    Галоўная      Слоўнікі           Спасылкі      Аб сайце       Кірыліца      Łacinka    
Анатоль Сыс
Вершы
Кантэкстны тлумачальны слоўнік
*  *  *
Я дарэшты ў тваёй уладзе
што хочаш рабі з маім брыдкім целам
і распуснай душой –
хочаш любі
а хочаш забі

я сьцярплю
таму што мая пакутная любоў
мацьней за самы жахлівы боль

ня страшна – калі вырываюць пазногці
страшна – калі д’яблавымі пазногцямі
                                                                                      па душы
няхай нават бруднай
але ж яна невінаватая

вінаватае цела
я дарэшты ў тваёй уладзе
ды толькі аб адным прашу цябе
НЕ! ЗАКЛІНАЮ ЦЯБЕ! Лепш забі
зьдзекліва
                      высакародна – неістотна
толькі ня здрадзь
бо тады я ніколі не вярнуся ў гэты сьвет
а я ж так яго люблю...
 
 
 
 
Падабаецца     Не падабаецца
2009–2019. Беларусь, Менск.