РОДНЫЯ ВОБРАЗЫ Вобразы мілыя роднага краю,               
Смутак і радасьць мая!..
      
 
Якуб Колас
    Галоўная      Слоўнікі           Спасылкі      Аб сайце       Кірыліца      Łacinka    
Янка Купала
Вершы
Кантэкстны тлумачальны слоўнік
*  *  *
Падсякайце тое дрэва,
          Што ў корні ўсыхае;
Не ўважайце таго сэрца,
          Што жалю ня мае.
 
Страшце птушку, празь якую
          Свойская загіне;
Забывайце песьню, што вам
          Вораг ваш накіне.
 
Ой, гадуйце, падлівайце
          Гай жывы, зялёны:
Сэрцу добраму давайце
          Добрыя паклоны.
 
Паважайце тую птушку,
          Што крыўды ня робе;
Не цурайцесь роднай песьні
          Ў шчасьці і ў жалобе.
 
[1906–1912]
 
 
 
 
Падабаецца     Не падабаецца
2009–2019. Беларусь, Менск.