РОДНЫЯ ВОБРАЗЫ Вобразы мілыя роднага краю,               
Смутак і радасьць мая!..
      
 
Якуб Колас
    Галоўная      Слоўнікі           Спасылкі      Аб сайце       Кірыліца      Łacinka    
Янка Купала
Вершы
Кантэкстны тлумачальны слоўнік
Груган і салавей
Груган, сустрэўшы салаўя,
З сваяцтвам лезьці стаў к таму.
«Ты родны мне, як бачу я, –
Хадзі ж, як брата абыму!
 
У нас з табой адзін фасон –
Як глюгі, крыльлі і насы,
Птушына ў нас быцьцё і сон,
Птушыны маем галасы.
 
Дык што ж нам жыць так па сабе?
Пры том табою не гарджу,
Хоць я шмат большы ад цябе
I ў чорнай вопратцы хаджу».
 
«О, вельмі дзякую за чэсьць! –
Адпеў салоўка з-над палян, –
Мо' ў нас і адналькова шэрсьць,
А ўсё ж такі ты, брат, – груган!»
 
1914
 
 
 
 
Падабаецца     Не падабаецца
2009–2019. Беларусь, Менск.