РОДНЫЯ ВОБРАЗЫ Вобразы мілыя роднага краю,               
Смутак і радасьць мая!..
      
 
Якуб Колас
    Галоўная      Слоўнікі      Гасьцёўня      Спасылкі      Аб сайце       Кірыліца      Łacinka    
Анатоль Сыс
Вершы
Кантэкстны тлумачальны слоўнік
Памяць пра яцьвягаў

                                    ...ані табе мовы,
                                    ані табе сьцяга...
                                    памяць пра яцьвягаў –
                                    помста за яцьвягаў...

 
Выстудзілі хату...
Памяць адубела...
бы яцьвяг кудлаты –
шэрая кудзеля.
 
Кашляе крывёю
выстылая хата...
страшна... за сьпіною
здань – яцьвяг кудлаты.
 
Азірнуся тройчы: вочы...
літасьць просяць.
Белы ветах ноччу
зоркі ў небе косіць.
 
I галосяць зьнічкі
над пустою хатай...
Ветах – сэрп крывіцкі...
...кроў... яцьвяг кудлаты.
 
Азірнуся: вочы!
Гэта ж вочы брата!
...Мала зорак ноччу
над маёю хатай.
 
. . . . . . . . . . . . . . . . . . . . . .
 
I галосяць зьнічкі,
па жывых галосяць,
гэта люд крывіцкі
чорны ветах косіць.
 
 
 
 
Падабаецца     Не падабаецца Водгукі
2009–2019. Беларусь, Менск.