РОДНЫЯ ВОБРАЗЫ Вобразы мілыя роднага краю,               
Смутак і радасьць мая!..      
 
 Якуб Колас
    Галоўная      Слоўнікі           Спасылкі      Аб сайце       Кірыліца      Łacinka    
Янка Золак
Вершы
Кантэкстны тлумачальны слоўнік
Дагараюць дровы
Дагараюць апошнія дровы,
Ўецца сінімі зьмейкамі чад.
У часы завірухі зімовай
Я жыцьцю свайму нават ня рад.
 
У пару завірухі зімовай
Сэрца прагне вясны і цяпла,
Хоча суму цяжкія аковы
Спапяліць на вугольлі датла.
 
Дагараюць апошнія дровы,
Ўецца зьмейкамі чад угары.
Не парваўшы надолі аковы,
Непрыкметна й жыцьцё дагарыць.
 
7.II.1942 г.
 
 
 
 
Падабаецца     Не падабаецца
2009–2020. Беларусь, Менск.