РОДНЫЯ ВОБРАЗЫ Вобразы мілыя роднага краю,               
Смутак і радасьць мая!..
      
 
Якуб Колас
    Галоўная      Слоўнікі           Спасылкі      Аб сайце       Кірыліца      Łacinka    
Максім Багдановіч
Вершы
Кантэкстны тлумачальны слоўнік
*  *  *
Не блішчыць у час зьмярканьня і ў глыбокай цемні ночы
        Дыямент каштоўны,
Але белым днём красою нам чаруе, вабіць вочы
        Блеск яго цудоўны.
Бо калі на гэты камень упадзець праменьне сонца,
        Ўраз ён блісьне дзіўна
І вясёлкавыя іскры рассыпаць пачне бясконца
        Ярка, пераліўна.
Так здаецца ў змроку ночы цёмным і народ мой родны,
        Бедны і няшчасны;
Але, як устане сонца, ўраз прачнецца дух народны
        І засьвеціць ясна!
 
[1911]
 
 
 
 
Падабаецца     Не падабаецца
2009–2019. Беларусь, Менск.