РОДНЫЯ ВОБРАЗЫ Вобразы мілыя роднага краю,               
Смутак і радасьць мая!..
      
 
Якуб Колас
    Галоўная      Слоўнікі      Гасьцёўня      Спасылкі      Аб сайце       Кірыліца      Łacinka    
Янка Купала
Вершы
Кантэкстны тлумачальны слоўнік
Крыўда
Цягалася Крыўда па сьвеце,
Ад хаты да хаты блудзіла;
Тым строіла вечныя сеці,
Тых гнала бяз часу ў магілы.
 
Ад хаты да хаты йшла з хвалай,
Ўзьвялічвала троны, кароны;
Нявольнікам путы кавала,
Пладзіла сусьветныя стогны.
 
Здавалася, ноч не пяройдзе,
Іржа не згрызе вечных путаў, –
Аж бліснуў пажар на усходзе,
I дрогнулі рабскія скруты.
 
I дрогнула Крыўды ўся ўлада,
Разьлёгся скрозь кліч перуновы;
Апалі кароны, пасады,
Зь нявольнікаў спалі аковы.
 
I мілай пацехай зазьзяла
I доля і слава людская,
Дый толькі, знаць, слава і хвала
Недаўгавечнай бывае.
 
Раскованы раб сябе выдаў –
Ня ўзьнёсься ўвысь дух чалавечы, –
Нявольнік пабратаўся з Крыўдай
I ў помач ёй даў свае плечы.
 
1918
 
 
 
 
Падабаецца     Не падабаецца Водгукі
2009–2019. Беларусь, Менск.