РОДНЫЯ ВОБРАЗЫ Вобразы мілыя роднага краю,               
Смутак і радасьць мая!..
      
 
Якуб Колас
    Галоўная      Слоўнікі      Гасьцёўня      Спасылкі      Аб сайце       Кірыліца      Łacinka    
Янка Купала
Вершы
Кантэкстны тлумачальны слоўнік
Бай
Бегаў бай па сьцяне
У чырвоным кафтане.
Байку баіў. Ай, лю-лі!
Жылі пчолкі у вульлі...
      Баіць ці не?
      – Баіць!
 
Бегаў бай па сьцяне...
Шла вясна па вясьне,
Жылі пчолкі з году ў год...
Бралі ў соты з кветак мёд...
      Баіць ці не?
      – Баіць!
 
Бегаў бай па сьцяне...
Ніхто пчолак не кране;
Самі мёд зьбіраюць той,
Самі ласваюць зімой...
      Баіць ці не?
      – Баіць!
 
Бегаў бай па сьцяне...
У той самай старане
Пустапасам труцень жыў,
Неяк з пчолкамі здружыў...
      Баіць ці не?
      – Баіць!
 
Бегаў бай па сьцяне...
Труцень кажа: «Дайце мне
Глянуць, пчолкі, у вульлёк,
Паспытаці ваш мядок!..»
      Баіць ці не?
      – Баіць!
 
Бегаў бай па сьцяне...
Ці так добра, ці так не, –
Пчолкі добрымі былі,
Трутня ў госьці прынялі...
      Баіць ці не?
      – Баіць!
 
Бегаў бай па сьцяне...
Труцень пальцам не кіўне:
Пчолкі мёд нясуць да сот,
Труцень есьць ды есьць той мёд.
      Баіць ці не?
      – Не!
 
1921
 
 
 
 
Падабаецца     Не падабаецца Водгукі
2009–2018. Беларусь, Менск.