 |
РОДНЫЯ ВОБРАЗЫ
|
|
Вобразы мілыя роднага краю,
Смутак і радасьць мая!..
Якуб Колас
|
|
|
|
|
|
|
|
|
|
Годзе пець сумныя песьні,
Годзе ўжо плакаць, тужыць;
Скінуўшы покрывы плесьні,
Трэба змагацца і жыць!
Помняць збалелыя плечы
Зьдзекі, мінулы прымус...
Трэба жыцьцём чалавечым
Жыць і табе, беларус!
Трэба вясёлкавай песьняй
Нашу расквеціць зямлю;
Трэба, каб промень прадвесьня
Дораг быў сэрцу і люб!
Хай расьцьвіце васількамі
Праўды сьвятое прамень;
Хмарай закрыты вякамі,
Выблісьне сонечны дзень!
Годзе-ж пець сумныя песьні;
Помнячы зьдзекі, прымус,
Скінуўшы покрывы плесьні,
Кроч у жыцьцё, беларус!
31.V.1943 г.
|
|
|
|
Падабаецца
Не падабаецца
|
|
|
2009–2020. Беларусь, Менск.
|
|
|
