РОДНЫЯ ВОБРАЗЫ Вобразы мілыя роднага краю,               
Смутак і радасьць мая!..
      
 
Якуб Колас
    Галоўная      Слоўнікі           Спасылкі      Аб сайце       Кірыліца      Łacinka    
Рыгор Барадулін
Вершы
Кантэкстны тлумачальны слоўнік
*  *  *
У летняй песьні трава мяккая,
Вясьнянцы хапае
                                        шчымлівага жалю.
I ў цёмным лесе
                                      мядзьведзь рыкае,
Мядзьведзь рыкае,
                                          дзевак пужае.
Трубяць алені
                              ў шлюбным маленьні,
I цецярук-лапатун балбоча.
А салавей на дзевятым калене
Зайшоўся, плюшчачы ў стоме вочы.
 
Ды пушчу схавае кончык указкі
На карце планеты,
                                          зялёнай калісьці, –
Мядзьведзь і алень
                                          падаліся ў казкі,
Птушкі і песьні
                                ня ўсе зьвяліся...
 
Век атамны,
                            маеш ўсё на прыкмеце.
Табе даволі
                          зялёных пошлін.
Няўжо чалавек
                                  панясе па планеце
Свой голас,
                          як вугалёк апошні?!
 
 
 
 
Падабаецца     Не падабаецца
2009–2019. Беларусь, Менск.