РОДНЫЯ ВОБРАЗЫ Вобразы мілыя роднага краю,               
Смутак і радасьць мая!..
      
 
Якуб Колас
    Галоўная      Слоўнікі           Спасылкі      Аб сайце       Кірыліца      Łacinka    
Рыгор Барадулін
Вершы
Кантэкстны тлумачальны слоўнік
*  *  *

Зьмітраку Моркаўку

 
Зоркі – выкрасанкі!
Санкі
            з горкі
Гонка мчаць, куляюць у сумёт.
У маленстве дым і ўраньні горкі.
Толькі сон і саладзей за мёд.
 
Зраньня ўсё табе – і сум і радасьць –
Падуладна, як гаспадару.
Лёгка абтрасацца,
Лёгка падаць,
Лёгка падымацца пад гару.
 
На гары – сябры.
Яшчэ іх многа!
Колькі будзе к вечару ў жыцьці?
Падымацца –
Не зьбіваць нікога,
I не прабівацца –
Лёгка йсьці!..
 
 
 
 
Падабаецца     Не падабаецца
2009–2019. Беларусь, Менск.