Мая адзіная радня, У цішы, гамане, Дачушка, ты расьцеш штодня Трывогай ува мне. А роспач за душу скрабе: Каб добра ўсё было, Каб не зірнула на цябе Халодным вокам зло; Ні крык, ні крылы насланьня Каб не ўраклі і ў сьне. Дачушка, ты расьцеш штодня Трывогай ува мне. Будзь варта сонца, вышыні, I даражы вясной, I роднай глебе карані Ты давярай адной. Хай ліха й цень твой абміне, Жыцьцём шумі ў жыцьці. Маю трывогу і мяне, Дачка, перарасьці!
|
|