РОДНЫЯ ВОБРАЗЫ Вобразы мілыя роднага краю,               
Смутак і радасьць мая!..
      
 
Якуб Колас
    Галоўная      Слоўнікі           Спасылкі      Аб сайце       Кірыліца      Łacinka    
Рыгор Барадулін
Вершы
Кантэкстны тлумачальны слоўнік
Дваццаць пятага сакавіка
Дваццаць пятага сакавіка –
Годны дзень
Беларускай Дзяржавы.
Веснаплынных вятроў талака
Пыл з кароны атрэсла іржавы.
 
Шматавалі нас досыць арлы
I з адной і з дзвюма галавамі.
Мы ня зь нейкай бязроднай імглы,
Нас вякі як сваіх
Гадавалі.
 
Мы – ратаі сьвятла,
Крывічы,
Верхачы неўміручай Пагоні.
Маладзік сакалом на плячы,
Гартны меч у цьвярдое далоні.
 
Лучыць нашыя мары рака
Бел-чырвона-белага сьцяга.
Дваццаць пятага сакавіка –
Наша сьвята,
Пароль
I прысяга!
 
 
 
 
Падабаецца     Не падабаецца
2009–2019. Беларусь, Менск.