РОДНЫЯ ВОБРАЗЫ Вобразы мілыя роднага краю,               
Смутак і радасьць мая!..
      
 
Якуб Колас
    Галоўная      Слоўнікі           Спасылкі      Аб сайце       Кірыліца      Łacinka    
Франьцішак Багушэвіч
Вершы
Кантэкстны тлумачальны слоўнік
Песьня
Аж сьмяялася сарока,
Як з'арала баба гоні;
Заяц спудзіўся ад вока,
Ад гарбы падохлі коні.
 
        Аж лісіцы забрахалі,
        Як мужык грачыху рваў,
        Воўкі полудзень забралі,
        Як ён першы сноп вязаў.
 
Баба люльку кура ў хаце,
А мужык пярэ кашулі,
Конь пасецца на лапаце,
А на вербе растуць дулі.
 
        Ой, на прыпечку ў балоце
        Лавіў рыбку гаспадар,
        А пры выгане на плоце
        Хаваў грошы аліндар.
 
Ой, нявестка цешчу любе,
А сын бацьку шанаваў,
На сабакі заяц трубе,
Вінны доўг сам аддаваў!
 
 
 
 
Падабаецца     Не падабаецца
2009–2019. Беларусь, Менск.