 |
РОДНЫЯ ВОБРАЗЫ
|
|
Вобразы мілыя роднага краю,
Смутак і радасьць мая!..
Якуб Колас
|
|
|
|
|
|
|
|
|
|
Душа імкне у высі, кліча,
І ў высях зорачкай лунае.
Ля хваляў мутнага Дунаю
Здалося мне: Вы – Бэатрычэ.
З пашанаю сьвятой, глыбокай,
З душой узрушанай, бы хвалі,
Глядзеў на Вас я. Вы сьпявалі
Аб родных нівах сінявокіх.
У плыні песьні ціхазвоннай
Узьлёт красы я сэрцам вычуў;
Бо Вы – ня толькі Бэатрычэ,
Вы – мне здавалася – Мадонна.
Душа імкне кудысьці, кліча...
Куды? Я сэрцам адчуваю:
На бераг шустрага Дунаю,
Да Вас, Мадонна, Бэатрычэ.
13.V.1946 г.
|
|
|
|
Падабаецца
Не падабаецца
|
|
|
2009–2020. Беларусь, Менск.
|
|
|
