РОДНЫЯ ВОБРАЗЫ Вобразы мілыя роднага краю,               
Смутак і радасьць мая!..
      
 
Якуб Колас
    Галоўная      Слоўнікі           Спасылкі      Аб сайце       Кірыліца      Łacinka    
Франьцішак Багушэвіч
Вершы
Кантэкстны тлумачальны слоўнік
Песьня
Чаго  бяжыш, мужычок?
      – Паганяе мароз.
Чаму ляжыш, мужычок?
      – Бо урадніка вёз.
Чаго ты п'еш, мужычок?
      – Бо і хлеба ня еў.
За што ты б'еш, мужычок?
      – Бо і сам тое меў.
Нашто ты краў, мужычок?
      – Бо свайго не пазнаў.
Чаму ты лгаў, мужычок?
      – Бо хтось праўду украў.
Чаму чорны, мужычок?
      – Бо у хаце курыць.
Не праворны, мужычок?
      – Бо усякі журыць.
Чаму цёмны, мужычок?
      – Бо пад цёмным сяджу.
Чаму бяздомны, мужычок?
      – Бо чужога гляджу.
Чаму хіцёр, мужычок?
      – Бо дурны, як варона.
Чаго умёр, мужычок?
      – Уцякаў ад «закона»!
 
 
 
 
Падабаецца     Не падабаецца
2009–2019. Беларусь, Менск.