РОДНЫЯ ВОБРАЗЫ Вобразы мілыя роднага краю,               
Смутак і радасьць мая!..
      
 
Якуб Колас
    Галоўная      Слоўнікі           Спасылкі      Аб сайце       Кірыліца      Łacinka    
Рыгор Барадулін
Вершы
Кантэкстны тлумачальны слоўнік
*  *  *
На ты лепей з Богам і з маці.
Чужое, халоднае Вы,
Як тыя пустыя палаці,
Дзе ні перыны, ні травы.
 
На ты са шпакамі шпакоўня,
На ты з каранямі віры,
На ты з паднявольным катоўня,
На ты з морам вецер сыры.
 
Калі ў цішыні дамавіны
Ашчэраць да дзяснаў раты,
З жывіцай яшчэ габлявіны
Зь нябожчыкам будуць на ты.
 
Жывы ў здрадным плоцевым грыме
Сьпяшаецца, вязень вярсты,
А змоўкне –
I дол яго прыме,
Бо з прахам няўмольнасьць на ты.
 
 
 
 
Падабаецца     Не падабаецца
2009–2019. Беларусь, Менск.