RODNYJA VOBRAZY Vobrazy miłyja rodnaha kraju,               
Smutak i radaść maja!..
      
 
Jakub Kołas
    Hałoŭnaja      Słoŭniki           Spasyłki      Ab sajcie       Кірыліца      Łacinka    
Janka Kupała
Vieršy
Kantekstny tłumačalny słoŭnik
Dziciačaje

#Lavonicha
Oj, lavonicha, hulanka, hulnia!
Hałasistaja biasieda tvaja.
A my, dzietki, usie zdolnieńkija
Piajom piesieńki viasioleńkija.
 
Jak maleńkaj ja ŭ matulki žyła,
Jak višańka, u sadočku ćviła,
Ćviła, ćviła dy paćvityvała
Lemantaryk svoj pačytyvała.
 
Jak pryjšła ja u dziciačy sadok,
Pajšła ź dzietkami ŭ tanok, u tanok.
Ja hulaju tut pahułivaju
Za rabotkaj niedakučłivaju.
 
Jak višańka, u sadočku ćvitu
I navuki ŭsie łaŭlu nalatu, –
Ja rysuju i pačytyvaju,
Rablu cacki i papisyvaju.

 

#Juračka

1


Oj ty, Juračka,
Što nia vučyśsia?
Tak da nievukaŭ
Ty dałučyśsia.
 
A jak vyraścieš
Ty niaŭmiekaju,
Usie vyśmiejuć
Niedarekaju.

*


A ŭ našaha Jurački
Źjełi sała ščurački,
Jak pabieh jon u lasok,
Kab schavacca ad knižok.
 
A ŭ našaha Jurački
U kapocie dziurački,
Narabiŭ jon ich sabie,
Jak staŭ łazić pa viarbie.

 
2


Oj ty, Juračka,
Što lanujeśsia,
Chatki našaje
Nie pilnujeśsia?
 
Tolki biehaješ,
Zabaŭlajeśsia,
Hetak z kpinami
Napatkajeśsia.

*


A ŭ našaha Jurački
Pahubleny huzički, –
Jon tady ich pahublaŭ,
Jak z sadočku uciakaŭ.
 
A z našaha Jurački
Stałi kpić i kurački,
Što nia myŭsia ceły dzień
I bubnić, jak avadzień.

 
3


Oj ty, Juračka,
Kiń lanicisia,
Dy nadumajsia
Ty vučycisia.
 
Budziem ciešycca,
Što ty vučyśsia
I da nievukaŭ
Nie dałučyśsia.

*


A našamu Juračku
Kot zrabiŭ piačuračku, –
Jurka miejsca tam zaniaŭ
I z katkom – kurniaŭ! Kurniaŭ!
 
A našamu Juračku
Tnuŭ kamar u skuračku,
A Juračka – aj-aj-aj!
Kamaročak, nie kusaj!

 
[1932]
 
 
 
 
Padabajecca     Nie padabajecca
2009–2020. Biełaruś, Miensk.