РОДНЫЯ ВОБРАЗЫ Вобразы мілыя роднага краю,               
Смутак і радасьць мая!..
      
 
Якуб Колас
    Галоўная      Слоўнікі           Спасылкі      Аб сайце       Кірыліца      Łacinka    
Янка Купала
Вершы
Кантэкстны тлумачальны слоўнік
Сосны

Сосны выносныя,
Гордыя сосны!
Шмат вы ўжо носіце
Сонечных вёснаў.
 
Вас, супакойныя,
Вецер калыша,
Думкі ўзьнімаеце
Шумам і цішай.

*


Тыя ж на поўначы –
Зь вёснаў да вёснаў –
Ў сьцюжнай Карэліі
Высяцца сосны.
 
Тыя ж напоўдзені,
Над цёплым морам,
Сосны ахуталі
Крымскія горы.

*


Сосны далёкія,
Блізкія сосны,
Сэрцу вы любыя
Зь вёснаў да вёснаў.
 
Вас адзінакава
Вецер калыша,
Думкі ўзьнімаеце
Шумам і цішай.

 
1935
 
 
 
 
Падабаецца     Не падабаецца
2009–2019. Беларусь, Менск.