РОДНЫЯ ВОБРАЗЫ Вобразы мілыя роднага краю,               
Смутак і радасьць мая!..
      
 
Якуб Колас
    Галоўная      Слоўнікі           Спасылкі      Аб сайце       Кірыліца      Łacinka    
Якуб Колас
Вершы
Кантэкстны тлумачальны слоўнік
З турмы
Цесна мне тут, горка мне:
      Просіць сэрца волі.
Плачуць думкі па вясьне,
      Хочуць лепшай долі.
 
Гэй ты, лес, хваёвы бор,
      Бор густы, высокі!
Неба сіняга прастор,
      Стэп яго шырокі!
 
Я да вас хачу, каб збыць
      Ўсе мае нягоды
I свой голас разам зьліць
      Зь песьнямі прыроды.
 
Люб мне поўдзень, цішыня
      Раніцы прахладнай,
Крык у небе каршуна,
      Ў высі неагляднай,
 
Луг шырокі над ракой,
      Долы і паляны.
Рвуся к вам я ўсёй душой,
      Родныя курганы!..
 
Гэй ты, лес, зялёны бор,
      Бор густы, высокі!
Неба сіняга прастор,
      Стэп яго шырокі!
 
 
 
 
Падабаецца     Не падабаецца
2009–2022. Беларусь, Менск.