 |
РОДНЫЯ ВОБРАЗЫ
|
|
Вобразы мілыя роднага краю,
Смутак і радасьць мая!..
Якуб Колас
|
|
|
|
|
|
|
|
|
|
Вось пастух ужо стадка гоніць;
Вол бушуе і раве.
Вёска ходзіць і гамоніць,
Толькі рэха ў лесе йдзе.
З комін дым падняўся ўгору;
Люд сьцякаецца з работ...
Эх, люблю я гэту пору,
Як з палёў ідзе народ!
Мне іх песьні сэрцу мілы,
Хоць і многа ў іх нуды.
Некісь жаль казыча жылы,
Як заграюць дудары.
Сьвіст за сьвістам так і льецца,
Як Палесьсе, без канца;
Як хто плача, мне здаецца,
Як сьляза цячэ зь ліца.
А сабакі ім ўтуруюць...
Дудка плача, дудка мрэ...
Як ніколі не гаруюць,
Як бяда іх не бярэ!
1908
|
|
|
|
Падабаецца
Не падабаецца
|
|
|
2009–2022. Беларусь, Менск.
|
|
|
