РОДНЫЯ ВОБРАЗЫ Вобразы мілыя роднага краю,               
Смутак і радасьць мая!..
      
 
Якуб Колас
    Галоўная      Слоўнікі           Спасылкі      Аб сайце       Кірыліца      Łacinka    
Якуб Колас
Вершы
Кантэкстны тлумачальны слоўнік
*  *  *
Многа слаўненькіх куточкаў
      Ёсьць у нашым краі,
Дзе пад гоман ручаёчкаў,
      Пад шум дрэў у гаі
 
Рой журботных дум пакінеш;
      Дзе няма трывогі,
Дзе душою адпачынеш,
      Змучаны з дарогі;
 
Дзе прыемны ветрык млее,
      Збажыну калыша,
Дзе пакоем-згодай вее,
      Дзе ўсё шчасьцем дыша.
 
1909
 
 
 
 
Падабаецца     Не падабаецца
2009–2023. Беларусь, Менск.