Баляда Еўфрасіньні Полацкая
|
каля 1101 – 23 ці 25.05.1167
|
Ад Полацка да Іерусаліма, Нібы сьвяты агонь, твая дарога. У сэрцы і за сьпінаю – Радзіма І прад табою Бог і ўсё ад Бога... І не шкадуеш ты, што ў цеснай кельлі Жывеш, ня просячы сабе нічога, І думаеш пра родны край і Бога Каля вакна, дзе галубы паселі, І слухаюць малітвы, і ўзьлятаюць Над Беларусьсю, да якой шукаюць Усе дарог, каму ёсьць не за морам, А тут зямное шчасьце, безь якога Ня стаць тутэйшым і ня стаць сьвятою... Нібы малітва, праз жыцьцё дарога Твая не зарасьце палын-травою, А стане вечным крыжам Еўфрасіньні, Які шукаць, губляць, ізноў знаходзіць Нам на зямлі, якую не пакіне Ніколі Бог, бо Ён жыве ў народзе, Як ты жывеш у нашае Айчыне...
25.II.2009.
|
|