РОДНЫЯ ВОБРАЗЫ Вобразы мілыя роднага краю,               
Смутак і радасьць мая!..
      
 
Якуб Колас
    Галоўная      Слоўнікі      Гасьцёўня      Спасылкі      Аб сайце       Кірыліца      Łacinka    
Пімен Панчанка
Вершы
Кантэкстны тлумачальны слоўнік
Вяртаньне
Дзе начуе жаўранак,
Скажыце,
Ці на лёгкім воблаку,
Ці ў жыце?
 
Запытаўся некага
Я ўраньні...
Гэта пачалося ўжо
Вяртаньне.
 
Праз жыцьцё,
Удачы і няўдачы,
Да палёў,
Духмяных і гарачых.
 
Праз вайны
Задымленыя росы
Да гадоў
Даверлівых і босых.
 
Не засумаваў,
Не зажурыўся –
У дзіцячы пах травы
Зарыўся.
 
Дзе начуе жаўранак,
Скажыце,
Ці на лёгкім воблаку,
Ці ў жыце?
 
Запытаўся,
Ды ніхто не чуе...
Пэўна, ў сэрцы
Жаўранак начуе.
 
1978
 
 
 
 
Падабаецца     Не падабаецца Водгукі
2009–2019. Беларусь, Менск.