...Oj hulała ściuža ŭ połi,
Oj hulała...
Viečareła. Ciotka Pola
Pieśni nam śpiavała.
Daharaŭ ahoń u piečy,
Trapiataŭ pa stołi...
Tvaje ruki... Tvaje plečy...
Pieśni ciotki Połi...
...Dzie trava-muroh,
Tam moj sokał loh.
Što ž lataŭ ty, sokał,
Ad mianie daloka?..
A lataŭ jon, bo šukaŭ
Sakałinaj dołi.
I siarod vysokich traŭ...
Płača ciotka Pola...
I nia čas mnie byŭ ciabie abdymać,
Čas siadzieć i ciotku Polu suciašać,
Bo ŭsio jana adna dy adna,
A za voknami zima dy zima,
I nad kominam, jak phuška jakaja,
Adzinota kryły doŭhija prastaje...
|
|
