Usio bolš siabroŭ – i mienš... Takaja sprava... I zojmie raptam adzinota dych, I ty viarnuć chacieŭ by navat tych, Kaho viartać daŭno nia maješ prava. Jak na słupach pažoŭkłyja abjavy, U pamiaci razmyty tvary ich, Byłych kachanych i siabroŭ byłych; I ich viartać – balučaja zabava. Jany prajšłi, jak viosny albo zimy, Jany ŭ tramvajach pralatajuć mima, Nichto ź ich navat nie zirnie nazad, Nichto nia skaža, chto ŭ tym vinavaty, Što ŭsie my niejak pradčuvajem straty, Ale nijak nie paźbiahajem strat.
|
|