РОДНЫЯ ВОБРАЗЫ Вобразы мілыя роднага краю,               
Смутак і радасьць мая!..
      
 
Якуб Колас
    Галоўная      Слоўнікі           Спасылкі      Аб сайце       Кірыліца      Łacinka    
Уладзімер Жылка
Вершы
Кантэкстны тлумачальны слоўнік
Каханьне
З'явілася, і чую сіл крыніцу,
І думы незвычайныя мае, –
То боль жыцьця, то лёгкасьць сьмерці сьніцца,
І сэрца незнаёмае пяе.
 
Яна ж красой варожыць, чараўніца:
Як гады, віснуць косы з плеч яе,
А вочы з-пад павек – з-за хмар зарніца,
І тайнасьць складак вопраткі заве.
 
Атручан хмельным соладам каханьня,
На кліч таёмны йду без дум, пытаньняў
Вітаці сьветлавокую Лауру.
 
А з вуснаў шчырых рвецца ўжо санэт
Гучны, нібы віхор свавольны ў буру,
І радасны, бы ўлюблены паэт.
 
1921
 
 
 
 
Падабаецца     Не падабаецца
2009–2019. Беларусь, Менск.