РОДНЫЯ ВОБРАЗЫ Вобразы мілыя роднага краю,               
Смутак і радасьць мая!..
      
 
Якуб Колас
    Галоўная      Слоўнікі      Гасьцёўня      Спасылкі      Аб сайце       Кірыліца      Łacinka    
Янка Купала
Вершы
Кантэкстны тлумачальны слоўнік
Гэй, ты, сэрцайка...
Гэй, ты, сэрцайка,
Не тужы, замры!
Душа смутная,
Песень не твары!
 
Бо каму ж, каму
У жалю запяю?
Хто паслухае
Песьню-жаль маю?
 
Можа б, выслухаў
Мяне ўбогі брат, –
Не да песенек,
Горам хто багат.
 
А шчасьлівы хто,
Хто багат ва ўсім, –
Песьня жальбная
Не пад мысль такім.
 
Дык каму ж, каму
Гулка запяю?
Хто паслухае
Песьню-жаль маю?
 
Перад кім, ой, кім
Расчыню душу?
Стогн бяды, нуды
Ў думках заглушу?
 
[1905–1907]
 
 
 
 
Падабаецца     Не падабаецца Водгукі
2009–2019. Беларусь, Менск.