РОДНЫЯ ВОБРАЗЫ Вобразы мілыя роднага краю,               
Смутак і радасьць мая!..
      
 
Якуб Колас
    Галоўная      Слоўнікі           Спасылкі      Аб сайце       Кірыліца      Łacinka    
Янка Купала
Вершы
Кантэкстны тлумачальны слоўнік
З асеньніх напеваў
Не гудзі так, восень,
Непагодай дзікай;
Не крываўся, сэрца,
Зь нядолі вялікай.
 
Цяжанька марнеці
У жыцьця паняверцы;
І восень на сьвеце,
І восень на сэрцы.
 
Штогод вясну бачым,
Гуляючы ў полі,
Дый вясны на сэрцы
Ня знаў я ніколі.
 
Ня даў ты мне, Божа,
Зазнаць шчасьця, волю, –
Забяры ж ты, Божа,
I маю нядолю.
 
Моладасьць, вясёласьць
Не жылі са мною;
Пейце ж хоць вы, песьні,
Зь няшчаснай душою.
 
Не гудзі так, восень,
Непагодай дзікай;
Не крываўся, сэрца,
Зь нядолі вялікай.
 
[1905–1907]
 
 
 
 
Падабаецца     Не падабаецца
2009–2019. Беларусь, Менск.