РОДНЫЯ ВОБРАЗЫ Вобразы мілыя роднага краю,               
Смутак і радасьць мая!..
      
 
Якуб Колас
    Галоўная      Слоўнікі           Спасылкі      Аб сайце       Кірыліца      Łacinka    
Янка Купала
Вершы
Кантэкстны тлумачальны слоўнік
Можна...
Можна хатку убраць тынкаваньнямі з плесьні,
Можа віхар нядоляй заенчыць над ей;
Можна пець салаўіныя шумныя песьні,
Што шчасьлівы ўвесь сьвет, няма гора ў людзей.
 
Можна сьвет упрыгожыць у кроў і пажары,
Можа гром загрымець і паслаць перуны,
Могуць гінуць нявінныя ў бітвах ахвяры,
Можна слабым, нязбройным надзець кайданы.
 
Але ёсьць жа вялікая праўда на сьвеце, –
Праўда, сілаю роўная сонца агням, –
Цяпер сьпіць, але ўстане і бляск свой расквеціць,
За сваё паніжэньне адплаціць людзям.
 
[1905–1907]
 
 
 
 
Падабаецца     Не падабаецца
2009–2019. Беларусь, Менск.