РОДНЫЯ ВОБРАЗЫ Вобразы мілыя роднага краю,               
Смутак і радасьць мая!..
      
 
Якуб Колас
    Галоўная      Слоўнікі           Спасылкі      Аб сайце       Кірыліца      Łacinka    
Рыгор Барадулін
Вершы
Кантэкстны тлумачальны слоўнік
Голас
А голас такі палявы,
У спадчыну ён
Ад бабулі,
Ад ціха палеглай травы,
Ад золку,
Дзе гулка зязюлі.
 
Малая свой голас вядзе
У вір галасоў
На праспэкце
На ціхім такім павадзе,
Пачуць гэты голас
Пасьпейце!
 
Аглухлыя вушы мае,
Што звыклі
Да гулу,
Да крыку,
Штодня вам яго не стае,
Бясплатны яшчэ
Ён на рынку.
 
Малая свой голас вядзе,
А ён прысьмірэлы,
Як тое
Цялятка ў чужой чарадзе
Дурное,
На рожкі крутое.
 
А голас такі лугавы,
У спадчыну ён
Ад спрадвечча.
Я голасам гэтым
Жывы.
Малюся:
Мацуйся,
Малеча!
 
 
 
 
Падабаецца     Не падабаецца
2009–2019. Беларусь, Менск.