Жоўты ліст, Выпераны вятрамі, Круцячыся, ляціць на зямлю. Жоўты ліст Нейчы лёс паўтарае, Пакланіцца пасьпеўшы гальлю. Быў нядаўна шалёна-зялёны, Быў нядаўна зусім малады, Жоўты ліст, Прывітаўшы адхоны, Сам выносіць сябе на клады. Жоўты ліст, Быццам ліс вогнехвосты, За сабой замятае сьляды. Восень, моўчкі развозячы вёрсты, Па дарозе бярэ халады І вязе, Толькі склыгаюць колы. Зазімак – Зухаваты таксіст – Абганяе калёсы вясёла. Не дапальвай мой сьлед, Жоўты ліст!
|
|