Табою пахнуць сьцежкі, палыны, Цябе чакае Восень маладая. Здаецца, Ты з той сіняй даўніны, Што з-пад рукі са мною выглядае, Калі ты прыляціш шчымлівай ластаўкай, Каб захлынуць і ласкаю, і пластыкай. Табой сьмяюцца вочы, Сьняцца сны, Табой заходзіцца туга глухая. Здаецца, Ты ідзеш з-пад той сасны, Што мне яшчэ галінаю махае З зайздросьлівым дакорам, Са спагадаю, Дзе сорам наш зажмурыўся, Нагадвае. Прыходзь ці прылятай, Абы была, Ці наталі, Ці дапалі датла!
|
|