РОДНЫЯ ВОБРАЗЫ Вобразы мілыя роднага краю,               
Смутак і радасьць мая!..
      
 
Якуб Колас
    Галоўная      Слоўнікі           Спасылкі      Аб сайце       Кірыліца      Łacinka    
Ніл Гілевіч
Вершы
Кантэкстны тлумачальны слоўнік
*  *  *
Сьпявайце, юныя паэты!
Сьпяліце ў бурах пачуцьця
Неўтаймаваны боль планэты,
Непераможны крык жыцьця!
 
Магчыма, вам якраз і зьдзейсьніць
Дзядоў вялікіх запавет:
Узьняцца так на крыльлях песьні,
Каб чуў і бачыў цэлы сьвет!
 
Назло прарокам самазваным,
Што глуха каркаць пачалі,
Сьпявайце сьпевам нечуваным
На мове любай вам зямлі!
 
Сьпявайце, помнячы нязьменна:
Пакуль паэты будуць пець –
Ня быць Радзіме безыменнай,
Зямлі бацькоў – не анямець!
 
«Літаратура і мастацтва» за 24 сьнежня 1965 г.
 
 
 
 
Падабаецца     Не падабаецца
2009–2020. Беларусь, Менск.