 |
РОДНЫЯ ВОБРАЗЫ
|
|
Вобразы мілыя роднага краю,
Смутак і радасьць мая!..
Якуб Колас
|
|
|
|
|
|
|
|
|
|
Над могілкамі ліпы высяцца.
Скажыце, хто ляжыць пад вамі?
Крыжы згнілі.
На дрэвы хрысьцяцца
Старыя па дарозе з храма.
У кронах – душы спанялелыя –
Вароны –
хмары наклікаюць.
Схіляе вецер ацалелыя
Крыжы –
нявечныя, як памяць.
I, можа, толькі ліпы гэтыя
Ва ўсім смяротным грэшным сьвеце
Адны і варты слова
«Верую» –
Ды губяць іх піла і вецер.
Лісьцё апалае на могілках
Варушыць вецер ціхакрылы...
На сьвежы пень бабулька моліцца,
Нібы на сьвежую магілу.
|
|
|
|
Падабаецца
Не падабаецца
|
|
|
2009–2020. Беларусь, Менск.
|
|
|
