 |
РОДНЫЯ ВОБРАЗЫ
|
|
Вобразы мілыя роднага краю,
Смутак і радасьць мая!..
Якуб Колас
|
|
|
|
|
|
|
|
|
|
У беспрасьветны час
Зьнявер’я і шаленства,
Калі цяжар абраз
Гняце душу з маленства, –
Паверыць лёгка ў зло,
А вы ў дабро паверце!
Абразы не было –
I па найстрогай мерцы,
Душы сваёй крыло
Даю на адсячэньне:
Абразы не было
Для сьвята адраджэньня!
Абразы не было.
Адкуль жа столькі гневу?
Пакуль не адняло –
Цягну далоні к небу.
Пасьведчы, Бацька Бог:
Хоць і круты ня ў меру –
Абразіць я ня мог
Сваю любоў і веру.
Абразы не было.
Калі няпраўда гэта –
Хай тут жа стлее ў тло
Зямкы пасад паэта!
Пабеліць стынь чало
I цені ў зрэнках згуснуць –
«Абразы не было...» –
Нячутна сыдзе з вуснаў.
1991, верасень.
|
|
|
|
Падабаецца
Не падабаецца
|
|
|
2009–2020. Беларусь, Менск.
|
|
|
