 |
РОДНЫЯ ВОБРАЗЫ
|
|
Вобразы мілыя роднага краю,
Смутак і радасьць мая!..
Якуб Колас
|
|
|
|
|
|
|
|
|
|
Першага студзеня.
Сэрца натруджана
Так, што здаецца:
Сьціхла, не б’ецца.
Трэйцяга лютага.
Некалі любага,
Мілага ў Бога –
Гоняць з парога.
Пятага траўня.
Значыць – бяспраўна?
Значыць – бяздомна?
Значыць – бяздольна?
Шостага чэрвеня.
Боскае счэрнена.
Хіба што ў песьні
Сьветла ўваскрэсьне?
Сёмага ліпеня.
Сьлёзнымі ўсхліпамі
Памяць скуголіць,
Просіць і моліць.
Восьмага жніўня.
Больш, чым наіўна...
Горш, чым бяздумна...
Горка і сумна!
Восьмага верасьня.
Той, хто зьняверыўся –
Іншым ня прыклад...
Горка і прыкра!
Першага сьнежня.
Горка і сьмешна –
Марыць аб нечым
Сьветлым і вечным.
1993
|
|
|
|
Падабаецца
Не падабаецца
|
|
|
2009–2020. Беларусь, Менск.
|
|
|
