 |
РОДНЫЯ ВОБРАЗЫ
|
|
Вобразы мілыя роднага краю,
Смутак і радасьць мая!..
Якуб Колас
|
|
|
|
|
|
|
|
|
|
Прысьвячаю рабочым Кракава
і Львова, расстраляным паліцыяй
на дэманстрацыі ў 1936 г.
Зара ўжо затлела, а трэба ісьці
I сыпаць на труны пясок...
Так цяжка ў далонях мазольных нясьці
Штандары, схіліўшы над вамі, байцы,
I класьці апошні вянок...
I песьні змаганьня, і сны змагароў,
Расьцьвіўшыя раньняй вясною ў зару, –
З-пад Нарачы сіняй, зь Вільлі берагоў,
Найлепшыя краскі з батрацкіх шнуроў
Сабрала ў вянок Беларусь.
Устануць другія бунтарныя дні,
Сагрэтыя сонцам і майскім цяплом;
I разам з парывамі новай вясны
Пакрытыя славай штандары ў агні –
Клянёмся – мы вам прынясём.
А сёньня – бывайце! Нам трэба ісьці.
Прыміце апошні вянок...
Ды сьпіце спакойна ў магілах, байцы, –
Нам трэба штандары наперад нясьці.
Вы чуеце кадраў штурмуючых крок!
1936
|
|
|
|
Падабаецца
Не падабаецца
|
|
|
2009–2020. Беларусь, Менск.
|
|
|
