У прыдарожнай забытай карчме Нешта зусім не п'янею, шынкарка. Пэўна ня брагу, а восень у чарках Сёньня падносіш гасьцям на начлег. Памяць жывая сюды прывяла: Некалі, едучы ў школу падводай, З бацькам спыняўся тут у непагоду - Сьлед наш завея даўно замяла. Помню, расказвалі вазакі: Выйграўшы ў карты душу арганіста, Выпалены сьлед пакінуў нячысты – Сьлед на стале сваёй чорнай рукі. Помню печ, ля якой грэліся мы, Пах селядцоў, кажухоў і махоркі, Ўсхліпы гармоніка, гоман-гаворку... Што ж мяне цягне да гэтай карчмы? Можа, забыўся я тут у пургу Мары юнацкія, першыя песьні? Ты іх, шынкарка, ня стрэла ля весьніц? Што, не прыпомніш?.. I я не магу...
1938
|
|