Кожнай раньняю вясною
Садзяць пад акном
Грушы, яблыні, чарэшні
Сьлівы зь вішняком.
Сёлета я пасадзіла
Танкастволы клён,
Бо вышэйшым за ўсе дрэвы
Вырастае ён.
Хай расьце клён пад аблокі,
Каб яму відаць
Быў увесь прастор шырокі –
Нівы, сенажаць;
Каб ён мог здалёк угледзець
Мілага майго,
Шумам лісьця перадаць мне
Зьвестку ад яго;
Каб я ведала, калі мне
Мілага чакаць,
Па якой дарозе ў поле
Бегчы сустракаць.
1954
|
|
