Што мне, вандроўніку, сон пад страхою! Косьці свае прызвычаіў даўно я Да расахатых карэньняў смалістых, Да бальшакоў і дарог крамяністых, Да той зямлі, дзе рунеюць усходы, Дыхаюць травы расою і мёдам. Хай не заўсёды мне цёпла і ўтульна: Часта наладжваюць свае гульні Вецер дакучлівы, дождж, бліскавіцы, Рэха лясное з савою-начніцай, Толькі пад небам адкрытым такія Бачу я дзівы і казкі лясныя, Чую таемныя зораў бяседы, Век не пачуюць якіх дамаседы.
1962
|
|