РОДНЫЯ ВОБРАЗЫ Вобразы мілыя роднага краю,               
Смутак і радасьць мая!..
      
 
Якуб Колас
    Галоўная      Слоўнікі           Спасылкі      Аб сайце       Кірыліца      Łacinka    
Максім Танк
Вершы
Кантэкстны тлумачальны слоўнік
*  *  *
Бадай тая дарожанька,
Што пятляе край сяла,
На якой зайшло мне сонца,
А сустрэлася імгла,
На якой згубіла шчасьце,
А сваю бяду знайшла, –
Назаўсёды лебядою,
Крапівою парасла,
Замялася чорным пылам,
Чорнай хмараю лістоў,
Каб ніхто па ёй ніколі
Больш ня ехаў, не ішоў.
 
1963
 
 
 
 
Падабаецца     Не падабаецца
2009–2020. Беларусь, Менск.