Ізноў вяртаюся я да ўспамінаў, Каб цябе ўбачыць, Пачуць, як рэха дальняе, Абняць, як пошум веснавога ветру. На'т пачынаю сумнявацца, Што сапраўды была ты, Хоць яшчэ жывуць у нашым доме I сходцы, на якія птушкаю ўзьлятала, I дзьверы, клямкай якіх бразгала, I – самыя найверагоднейшыя сьведкі – Мае рукі, якія памагалі распранацца, Кроіць хлеб, распальваць агонь, I ліст календара, ў якім напісана, Што дзень ужо стаў прыбываць вясной. Хоць для мяне загадкай застаецца: Як адначасна Можа прыбываць і ноч?
1968
|
|