РОДНЫЯ ВОБРАЗЫ Вобразы мілыя роднага краю,               
Смутак і радасьць мая!..
      
 
Якуб Колас
    Галоўная      Слоўнікі      Гасьцёўня      Спасылкі      Аб сайце       Кірыліца      Łacinka    
Янка Купала
Вершы
Кантэкстны тлумачальны слоўнік
Спусташэньне
Га, чаго, вятрыска,
Так узбунтаваўся
I над вёскай блізкай
Ты не зьлітаваўся?
 
Ці цябе ўгнявілі
Людзі або неба?
Ці тваёй злой сіле
Выкупу патрэба?
 
Пазрываў салому
I шчыты з хацінак;
Зрабіў кучы лому
З хлеўчукоў, з адрынак.
 
Што цяпер пачаці?
Бедны люд вясковы!
Холад будзе ў хаце
Панаваць зімовы.
 
Будуць над калыскай
Плакаць бацька, маці
Дый цябе, вятрыска,
Праклінаць, пытаці:
 
Чаго, пеклаў цёзка,
Так узбунтаваўся
Дый над блізкай вёскай
Ты не зьлітаваўся?
 
[1905–1907]
 
 
 
 
Падабаецца     Не падабаецца Водгукі
2009–2019. Беларусь, Менск.