Прайшлі майстры ў былы Шэксьпіра дом,
Каб адрамантаваць вуглы старыя.
I іх сякераў перастук і гром
Абрушыўся на сьцены векавыя,
Пашчэрбленыя часам і дажджом.
I разбудзіў дні Страдфарда былыя,
Калі паэт тут бегаў хлапчуком
I слухаў, як норд-ост шалёна вые.
Я ля майстроў спыніўся. Прывітаў.
Зьдзівіліся нямала, што з-за сьвету
Прыехаў, каб наведаць дом паэта.
Тут нехта з трэсак вогнішча расклаў.
Я асьцярожна зь іх адну падняў,
Якая аказалася санэтам.
1978
|
|
